When You Lower Down Your Shield

When you lower down your shield

And look back

You are like the lighthouse

That shows that land is near

You are like a waterfall of stars

Dropping down from heaven.

If it was not for your beauty

It was for your exctasy

I would rather be dead

Than miss a syllable.

You open up rivers

Of sacred harmony

And sound the bells

Of eternal joy.

Alfred Grech

31/08/2019

Ġublew.

Noħolqu ġublew ieħor.

Għal maħrfa tad-dnubiet,

għal-maħfra tad-djun kollha

u ħafna għeġubijiet.

Għas-serq li jagħmlu l-banek,

tixħim mingħajr kontroll,

taċ-ċentri li jħeġġuhom

ħasil ta’ flus ukoll.

Noħolqu ġublew ieħor

Naqilbu ta’ taħt fuq,

inneħħu l-bini żejjed,

u l-ħmieġ li hawn fis-suq,

U nwittu l-ħofor kollha,

La tistaqsix għalfejn,

u nneħħu kull ma jagħmel

u l-ħsara lill għajnejn.

Alfred Grech

31.08.2019

Int Li Tinsa’.

Inti li tinsa’ ta’ kull  darba

r-regoli tal-logħba

biex toħloq tiegħek u tgħid li int minn fuq

tgħallimt tisfinha din iż-żifna

taż-żmien li l-ħin kollu ilissen

waqtiet il-ħajja

u li fit-tifkiriet l-aktar qawwija

mhemm ebda tmiem

u lanqas ebda dispjaċir.

Aktarx li int ma tafx li int viżibbli

U tidher l-aktar fin-nuqqasijiet

U din tkun tassew sbuħija

Għax lili ġġielni nkun għalik

Dak li xtaqt int

Iżda qatt ma kont tistenna.

Alfred Grech

30/08/2019

Inlumu L-Infinit.

Ħadd m’għadu jaf x’qed jagħmel

Int tmieri lili għax qatt ma wasalt ħdejk

Indoqqu t-tnabar mingħajr ritmu

U nkejjlu mingħajr riegla,

Nisselfu bla ma nroddu

Dal-ġiri mhux għall-dejjem

Iġġebbed kemm iġġebbed

Sa fl-aħħar għad tinqata’

U l-ħabel wasal f’tarfu

Il-bosk jinħaraq b’ħatbu

U l-ilma ilu mdarda.

Int tmaqdar lili

U għadek qatt ma rbaħtli

Għax  jien ma nkejjilx b’xibrek

Ħadd minna m’għandu raġun

Veduta minn fejn tħares

Għandu kulħadd iżda trid tara

Fuq liema barkun tkun

Jew fuq liema quċċata.

Għax nintilfu t-tnejn

Inħarsu lejn xulxin

Imdewwba fl-infinit.

Alfred Grech

29/08/2019

Telgħin.

Telgħin dawn jibqgħu telgħin

u hawn ħadd mhu qed jeqfilhom

għax sabu r-riħ fil qala

ta’ fuq nett qed irewwħilhom.

Telgħin dawn jibqgħu telgħin

kull darba sular ieħor

u jibqgħu jisfidaw is-sema

sakemm jikkonfondihom.

Telgħin, dawn jibgħu telgħin

telgħin minn grad għall-ieħor

minn tarġa’ għall-oħra mingħajr xeba’

ma min jinqeda’ bihom.

Telgħin dawn jibqgħu telgħin

fil qtil tal-innoċenti

fil ħtif, fil-qirda u fil-ħażen

u ħadd ma jqum għalihom.

U jonfħu dil-bużieqa

tkabbir artifiċjali

u jkomplu jiftħu l-ġwienah

araw ħej daqsxiex fihom!

U jonfħu, jgħafsu, jrossu,

u dawn ħadd ma jeqfilhom

biex fgaw kull m’hawn kullħadd bla nifs

u l-ħela għamel bihom.

Telgħin dawn komplew telgħin

fuq l-għolja tal-kalvarju

biex kollox jibqa’ għaddej

mal-wied hekk mingaħlihom.

Alfred Grech

27/0/2019

Int Tista’ Tgħid.

Int tista’ tgħid:
Ħalliha għal darb’oħra

Iżda għalija ż-żmien ilu li għadda

U din mhix kelma b’oħra.

Int tista’ tgħid

Li għad baqgħalek ħafna,

U ħlief li titlaq ma tarax

Iżda jien it-triq imxejjta kollha

U naf li fejn immur,

Ma baqax.

Int tista’ tgħid li jiena

Bla viżjoni

U jekk ma nafx fejn sejjer

Ma nintilifx għax sirt bla direzzjoni.

Kull meta tkun bħal lum

B’geddum sal-art u b’ħafna buli

Il-wisa’ kollu tiegħek

Sa jgħaddi ftit taż-żmienm

U nsibek qed titmiegħek.

Alfred Grech.

27/08/2019

Emozzjoni.

Ħajja qasir wisq l-emozzjoni

Bħal- leħħa ta’ berqa

Jekk tgħidli li se tiġi rega’ bdielek

Jekk inċempel ma twieġibx

Jekk lanqas taf x’se tagħmel

Sa sieħa oħra nkun tlaqt

Xħin toqgħod ftit taħsibha

Tara l-vleġeġ

Titlef ukoll il-waqt li tkun sraqt.

Is-sensazzjoni turmenti

Ma tistenniekx

Murtall tal ftuħ, kaxxa nfernali

Għanqbuta li ma qbadttiex.

Is-sensazzjoni ugwali

Ifissir li ma ġara xejn

Bħal qatra dmugh fuq werqa filghħodu

U bqajna nistagħbu kif ma rajnihiex

Alfred Grech

26.08.2019.