Għad Jigi Żmien.

Qalu li kollox għandu żmienu

u kull ħaġa għandha waqtħa:

waqt li titwieled u waqtli tmut,

waqt li tħawwel u waqt li taqla l-imħawwel,

waqtiet li nistennik ġejja u waqtiet li reġa’ bdieli

għaliex l-istennija hi turment

u xħin titfaċċa jibda l-ħin ireġġa’ lura.

Waqt li ma tridx li taraħ jgħaddi

u tixtieq li għada ma jisbaħx

għax issibek sew kif inti qiegħed

u hemm il-wens f’dak li ġa taf.

Waqt li jibqa’ għall dejjem wieqaf

u li għada ma jisbaħx

biex ma tilqax l-isfidi u s-sorpiżi

li kull jum jistenbaħ bihom.

Waqt li bħal-lejla quddiem in-nar ta’ ġol-fuklar

ma tixtiequx li għandu jgħaddi.

Waqt li ma jridx jgħaddi

għaliex is-saħta tal-ħin u żmien waqfu

jissorprendu r-ruħ li issa drat kollox

li xebgħet tgħix u tgħix għal dejjem.

Waqtiet li aħna t-tnejn ħrabnihom

u flok ħrabna kien aħjar

li ħarisna f’għajnejn xulxin

u tagħllimna s-sewwa u s-sabih li jiġi

mill ħars fl-għajnejn

u t-traqqid tal-impulsi li jiġu

mill-sfrattu tal-jien bla lġiem.

Waqtiet fejn missna skitna

minflok weġibna lil xulxin,

waqtiet fejn missna qagħdna nħarsu lejn ixxefaq

u tkixxifna fejn tmur tistrieħ ix-xemx.

Waqtiet fejn konna nafu t-tnejn li aħna

x’ridna u minn xhiex qiegħdin inbagħtu

iżda ta’gwejjef li konna

ħrabna l-waqt u ħrabna lil xulxin.

Għad jiġi żmien meta jiena u int nintebħu

li ħemm ġejjieni li ma wettaqniex

li hemm ktiba li qatt ma nkitbet

u profezija li ma seħħitx.

Alfred Grech

30/01/2019

Ma Nafx.

Ma nafx nagħmilx l-iżveljarin

Idoqq fi żmien li ġa kien għadda

Għax dak hu z-żmien li naf

Biex ifakkarni f’għada

Jew dak li seta’ qatt ma kien.

Ma nafx huwiex aħjar ix-xorb tal-whiskey

Għas-serħan tal-moħħ

Biex b’hekk inkompli noħlom

Dak li fid-dawl tax-xema mank tista’ tara.

Ma nafx fejn qiegħda l-għażla

Ma nafx jekk dan hux ħmar il-lejl

Inkella ħolm ta’ nofs inhar b’għajnejk miftuħa.

Jista’ jkun li l-ħin żbaljat

Għaliex żbaljati kienu t-toroq

Werrej-pinnur li juri kollox

Minbarra  l-għażla t-tajba.

Jista’ jkun ninsab hawnhekk

Għax hawn mhuwiex fejn kelli nasal.

Alfred Grech

30/01/2019

Din L-Art.

Din l-art tal-pappagalli

Magħduda ma xuxlxin

U nemmnu u nirrepetu

Li jgħidu l-imnebbħin.

Dinl-art tal-invilopsi

Iġġorrhom kull fejn tmur,

Trid tnewwel biex tinqeda

U tasal fejn trid żgur.

Tal-iżviluppaturi

Mhux l-għerf inkella l-ġid,

Kemm int tapaċi xxaħħam

U tirkeb ma x’għafrid.

Din art li bwiebha nfettu

biex jidħol min irid,

barrani sar f’pajjiżhu

l-Malti hekk Alla jrid.

Alfred Grech

29/01/2019

Beloved Thought.

Every moment deceives the agony

in the resurrection of the days that go by

in the roar of the waves

when softly  I draw the contours

of your body in the silence of the night

that pacifies the guilt of sin

and the innocence of love.

In the glow of a sky defining silhouettes

you remain an immortal flame

a beloved thought.

while sailing  and slipping away

releasing me.

Alfred Grech

28-01-2019.

Filwaqt.

Filwaqt li ta’ l-Istampa

jżommu l-bilanċ,

ikejjlu biss b’xibirhom biex jaraw

ta’ min l-aħjar affari,

il Malti megħedi mxaħxaħ

fin-nagħas tal-opulenza

u fl-għass tal-affluwenza.

Filwaqt li dawk ibiegħu

ħwejjiġna ’l-barranin

aħna bqajna hawn intiru

fuq ġwienaħ ta’ farfett.

Filwaqt li dawk iħarbtu

u jibnu bil-konkrit

aħna konna hawn

nistħajjlu l-ġenna fl-art

biex sibna ruħna barra

mill-kanċelli tal-elite,

għax ma stajniex inħallsu

is-saqaf ta’ fuq rasna,

l-ilbies li kellna nilbsu

u l-ħobż li ridna nieklu.

Alfred Grech

27/01/2019.

U Jista’ Jkun.

U jista’ jkun li dawn il-gwerer

m’għadhomx għalija jgħoddu,

u jista’ jkun li dil-mogħodija

waslet fit-tmiem tagħha,

it-tmiem tal-litanija.

U jista’ jkun li dan iċ-ċpar

xi darba għad  jintrefa’

u nista’ nara aħjar

id-dawl li qed jintefa’

il-baħħ ta’ wara l-kwinti

u l-linja sa fejn tasal.

Alfred Grech

27/01/2019

Meta Tieqaf.

Meta tieqaf tħares lejn il-ħajja

bħallikieku kient toqol li trid iġġorr,

meta tieqaf tħares lejn ix-xefaq

u tistaqsi xhemm lilhinn

issib li t-tifsir jinsab bejn kull sillaba

li tlissen u kull nota tal-għanja li tiġik

jew il-ħsejjes ta’ bejn tnejn jitlewmu

inkella l-fewġa tar-riħ li jwassal

il-qtar tal-ilfiq

ir-raxx ta’ mewġ il-baħar

ma l-ilwien ta’ nżul ix-xemx.

Imqar qalb is-skiet tal-lejl jinstemgħu il-ħsejjes tal-ħajja.

Imqar fid-dalm trid tistaqsi jekk dak li tħoss

ġo fik għandux isem.

Meta tieqaf tħares lejn il-ħajja

u tistenna xi tweġibiet

issib li qiegħed tgħix.

Alfred Grech

26/01/2019.

Int Tgħid

Int tgħid li trid tiġI u tidħol f’din id-dinja

Id-dinja tiegħi

Mingħajr ma taf fejn inti sejra

U tgħid li trid tħalli d-dinja li taf

Biex taqsam ix-xefaq tad-dubbji,

Jew tad-dinja li qatt ma rajt

U taqsam ix-xmara li minnha lura ma terġax.

U tgħid li mhemmx għalfejn taħsibha

Għax taf sew xi tkun qed tgħid

Waħħalt f’moħħok li f’did-dinja

-Id-dnja tiegħi-

Għad trid tizboq iż-żmien li ġej.

U li mhemmx aħjar mill-qabża

Minn xifer l-irdum

Għaliex xħin taqbeż

Għandek mnejn titagħallem kif ttir.

Alfred Grech

25/01/2019

 Qalbieni Ġwejjed.

Hekk trid tidħol għalihom il-granet tal-isfida

tal-qtigħ il-qalb u tal-qlubija

għaliex hu agħar li ċċedi u taħrab

milli tmut għal dak li temmen

u tisfida dawk l-iħirsa li qatt ma tista’ tlumhom.

Jaħarbu u jitilqu l-ġellieda tal-isem

is-suldati tal-ispaga bħal grieden

għal ġot-toqbda sakemm tibqa waħdek

int il-ħaruf għal-qatla’

il-paradoss ewlieni tal-qalbieni ġwejjed

għax ħadd ma jibqa’ jishar l-aħħar siegħa,

is-siegħa ta’ bejn it-telf u r-rebħ

ta’ bejn il-mewt u l-ħajja.

Alfred Grech

25/01/2019  

Kemm Nixtieq.

Kemm nixtieq li nerġa’ lura

Fuq il-ġwienaħ tal-mistħija

Qalb iċ-ċpar fl-aberrazzjoni

Bla ma nagħmel mistoqsija.

Mhux ninnġarr biss mill-kurrenti

Iżda nżommok fiss f’għajnejja,

Jew niggranfa mal-iskolji

Jew nistenna lilek ġejja.

Ma nixtieqx indur id-dawra

Iżda noqgħod waħda, waħda,

Ngħodd iż-żibeġ tal-kuruna

Jew nixtarr  id-dieq taċ-ċaħda.

Alfred Grech

24/01/2019

Hekk biss Ħabib  Ta’ Qalbi.

Hekk biss ħabib ta’ qalbi,

Man-nies qiegħdin nagħmluha

Kulħadd fil-ġenna tiegħu

Trid tara kif jifhmuha.

Jekk lanqas nafu x’ġejt tagħmel

Bilfors li trid tistaqsi,

Għax kollox sar tal-għaġeb

Ma jafhu dan ħadd daqsi.

Ridt nagħmel xi ċaqliqa

Tal-kwiekeb li bdew jaqgħu

Jililgħu sa f’wiċċ l-ilma

 U Wara ftit jinfaqgħu

Il-boħod mill-ġenn tal-folla

l-Istat li jrid jiddetta

u kontra kull raġuni

jew jaħkem bil-vendetta.

Jien ngħix ġo dil-bużżieqa

biex ninsa’ li qed f’dinja

fid-dawl  trasfiguranti

Biex  barra ħriġt mil-linja.

Alfred Grech

23/01/2019

L-Ilma.

Quddiem tfixkil u saram

qattx taqta’ din-nixxiegħa,

jew tinsa fejn trid tasal

bħal kienet imwissija.

Il-ġebel u t-tumbati

werrej ta’triq preskritta;

taħsibx li huma ostakli

triqitha qatt mhi dritta.

U tibqa’ għaddejja sserrep

tiltaqa’ ma seħbitha,

igelegl l-ilma ġieri

daqskieku kien fil-wita’.

Sakemm araha qed tferra

fil wied u ssib lill-ommha,

u mbagħad fir-rotta tagħha

mhemm ħadd u xejn li jżommha.

Alfred Grech

21/01/2019.

 

Weġgħa.

Iweġġa’ l-bogħod li tfajt bejnietna,

u jinqara’ wkoll il-kliem li ma jingħadx

għax sibtni ngħum ġo baħar

fejn ma jilħaqlix,

il baħar tal-insikurezzi.

Il-muta tiegħek agħar minn dar battala

jew nieqsa min min jgħix fiha.

Jien nibqa’ hawnhekk

nisfida bil-mistoqsijiet

lis-sema li lanqas irid jemmen.

Tweġġa’ t-tbissima sarkastika

li tostor is-sigrieti maħlufa

għad-dawl ta’ qamar kwinta.

Alfred Grech.

20/01/2019

On the Threshold Of Love.

On the threshold of love I had been

with tears that melted in the sadness of what came after

like the wind that drags away with it

all the regrets, the rancour and the acrimony

in its imprudent maelstrom.

Spiraling from the emptiness of the unknown

Thoughts come like melting wax,

ethereal syllogisms that with the naked scream

lacerate the throat and die within.

On the threshold of love I have been

but not now, nothing  can stop,

in denying the passage of time, dilating the hours,

on the path to  the inevitable.

The same flame never burns twice.

Alfred Grech

19-01-2019.

A Birthday.

Sometimes I wish it was all gone

not the day which is another day,

but the build-up to the inevitable hour,

of a clash, a contestation,

looking the devil in his eyes.

It is not the test itself which proves unmanageable

but the days, the hours, the minutes, the seconds

untill the spirit is unleashed

and all the stress of the escalation vanishes

or recedes like a whole year that has already passed

on a birthday

or a life that has ended and vanished

like a dream.

Alfred Grech

18/01/2019

Hemm Int.

Jien naf li l-aqwa sfida

li nagħraf min hu qrib,

Nittawwal ftit madwari

biex nara x’nista’ nsib.

Hemm int daqs l-ibghat kewkba

li tiddi b’dawl għajnejk,

U dak li jtennu l-anġli

qed jiżfen fuq xofftejk.

Hemm int li tissorprendi,

Hemm int li taf xi trid,

Hemm int ma kull buffura

tar-riħ li qed iżid.

Alfred Grech

18/01/2019

Saħta Tal-Allat.

Issa li ġejt u rajt kullma kien hemm x’tara

Tirtab il-molla li mbuttatek

Biex terġa’ tħares f’wiċċ l-għadira

U tara jekk ix-xbiegħa mbidlitlx

Jew jekk huwiex il-wiċċ qadim li kellek dari

Inkella maskra ġdida li sebqithu

Li xxidd kull tant u tant sabiex tingħoġob

U tara n-naħħa l-oħra tal-munita.

Issa li ġrejt il-ġirja kollha

U qtajt in-nifs, wasalt fejn kont wasalt

Għal ħafna drabi

Taħsibx lli dan hu ċirku tond

Li jdur f’burdati ta’ kull żmien u kull staġun?

Dan jista’ jkun ukoll dbandil fil-vojt

Tal-pendlu mingħajr ħabel

Jew għandek bżonn mingħand l-allat

In-nar biex toħroġ minn ġo fik

Il-ġenju  mlebbet.

Jekk għadek fejn kont qabel

Ittella l-istess ġebla

Din mhix għajr saħta tal-allat.

Alfred Grech

18/01/2019

Love Dust

You collapsed on me

like an angel shot in flight,

blinded by the dust of an illusion

and the resonace of empty spaces.

You filled up my empty corners

with fragments and leftovers

and on the shores of a cruel sea,

between voices and the wind,

you remain a still image

in the whirlwind of oblivion,

love dust of a distant flight.

Alfred Grech

17-01-2019

U jibqgħu Ġejjin.

U jibqgħu ġejjin għal aktar

Għasafar tal-ħtif, avultini li jirgħu fuq il-ħerba

Li jkun ħalla ħaddieħor qabilhom.

Imqar hawnhekk fl-aħħar roqgħa art ta’ din l-art imkassbra

U mibjugħa lill-barranin  ġew iħammġu,

Ġew iħallu l-marka tagħhom tal-ajkla qattiela.

Ma baqa’ xejn xi jsir,

Għalxejn il-bogħod l-allat iriegħdu mingaħjr fejjda

Sajjetti fil-bnazzi.

Ma nafx kif aħna ser nieqfulhom,

Bil-kliem, bil-ħsieb, u bir-raġuni.

Ma baqa’ xejn xi jsir għax l-aħħar Te Deum indaqq

U aħna tlifna s-sens tassew ta’ min aħna

Jew minn stajna konna quddiem dan il-kolossu

Li jirbaħ dejjem.

Iżda’għad jiġu l-anġli tal-Mulej

Bix-xabla f’idhom

Jifirdu l-qamħ mill-karfa

Biex fl-aħħar ħaqq inkunu nafu

Min hu magħana

U min hu tassew kontra tagħna.

Alfred Grech

17/01/2019