Min jaf?

Min jaf lil kieku ’llejla flok ħallejtni waħdi nterraq

Ġejt hawn fuq din ir-roqgħa art ħawlija,

Biex miegħi toqgħod tagħżel waħda waħda,

Kull sillaba, kull kelma

Ta’ din il-poeżija,

Tal-għanja li irrid ngħanni

Din l-għanja l’għadu ħadd ma sama’.

Għax muta, għax qatt ma nkitbet.

Din l-għanja li jgħanniha, għannej mirgħux,

Ta’ troubadour imġarrab, mistħi,

Li m’għandha l-ebda diwi minn tal-pjazez

Tal-kummerċ ħieles,

Fl-ispazji tal-vetrini alluċinanti

Fejn jieqfu jew jimirħu nisa foloz

Jew illuppjati.

Min jaf li kieku ġejt itterraq miegħi

F’dil-lejla ta’ bla qamar

F’dal wileġ ta’ bla ħsejjes,

Subajk imissu l-kordi tal-kuxxjenza

Kontx inti wkoll mill-ġdid tqum u tistembaħ

Mal-imbieħ tal-klieb disorjentati

Mall-ħsejjes dissonanti?

Jekk trid, għadek fil-ħin li tista’ tiġi.

Jekk għandek tiġi, ejja w iddumx

Għaliex malajr issib li l-ħemda nkisret.

Jekk tiġi jiena nidwi l-għana tiegħek

Jekk tiġi, jiena niżfen żifna miegħek

U ninża wkoll kull libsa trasluċenti,

Niftakar meta kont ġarrejtni

Mal kolp ta’ baħar tiegħek. . .

Alfred Grech.

30/12/2016

Fejn Int Ja Kewkba.

Fejn int jakewkba tal-punent f’dil-lejla ta’ bla qamar,

Il-beraq biss mingħajr ir-ragħad idawwlu t-toroq.

Fejn int illum f’das-sema desolanti

Mgħobbija b’dawk id-dħaħen taħsibhom

Sħab, iżda li jgħattu wkoll dak kollu li hu tajjeb.

Inħbejt ewwilla, jew qiegħeda tistħi,

Għax taf li li d-dawl qadim jist’issa qras jew sar artifiċjali.

It-tokki tal-qanpiena jdoqqu tal-imwiet

Fakkruni f’dak iż-żmien tal-innoċenza,

Tal-estasi, ta’ meta kont tassew interraq miegħek

Imsaħħar b’dak li nara u b’dak li nemmen

B’dak kollu li kont nixtieq,

U nħalli f’idejn qawwa barranija

Li tista’ tagħmek kollox.

Inħbejt ja kewkba tal-punent?

Iżda llum li t-toroq qed jiżżejnu għal festa tal-Milied

Ma tħossx ir-resħa rqiqa tad-dawl artifiċjali,

Tal-foresti ta’ nies mgħottija bil-borra affluwenti?

U xħin ma tkunx qrib tiegħi żommli jdejja

Ma mmurx fil-ħofra naqa’.

Inti terġa’ tiġi bħal sirena riekba mewġa

U jiena ġewwa fija merġa’ mkebbes is-seħer ta’ xi darba . . .

Ja kewekba tal-Punent.

Alfred Grech

29/11/2016

Nistembħu t-tnejn li Aħna.

Nistembħu t-tnejn filgħodu

Infittxu ’l-min qed ħdejna,

Għalxejn idejna ‘nmattru

Fil jum li lanqas bdejna.

Għalxejn il-lożor ngħafsu

Tal-ħolm fil-lejl l’għaddejna,

It-tort ta’ ħadd mhu minna,

Inwaħħlu f’min qed ħdejna.

It-tort hu tal-istilel,

Tal-anġli li laqqawna,

Ta’ min qed l-eqreb tagħna

Ta’ dawk li llum jafdawna.

It-tort hu tal-istilel,

Li lanqas taf fejn huma,

Trid tbexkel ftit il-karti

Li lanqas taf liem’huma.

Nittajjru bħall-għasafar,

Nittajjru fuq il-wilġa,

Jekk tersaq ħafna lejja

Ninħallu t-tnejn bħal silġa.

Alfred Grech

27/11/2016

Neħħejt il-Barrikati.

Neħħejt il-barrikati

U bdejt inwaqqa’ s-swar,

Imlejt il-ġonna tiegħi

Bil-fwieħa tal-madwar.

Għaxzdan hu bħal velenu

Li nixrob ta’ kulljum;

Ħitan li jduru miegħi

Jogħlew u jsiru rdum.

Ħitan jissoffokawni,

Bħal xkiel li jżommni l-bogħod,

Mil-leħen ta’ġo fija,

Il-leħen li jirtogħod.

U inti li ħbatt miegħi

Għax taf, ma ġara xejn,

Intbaħt li nbidel kollox,

Tistaqsi: Dan minn fejn?

Inbidel kif inbidel,

Kull ħaġa tul iż-żmien

Ma jibqa’ xejn bħal qabel,

Ma jibqa’ xejn fejn kien.

Tinbidel ir-raġuni

Jinbidel it-twemmin

U wara ftit tistaqsi,

U jien inżomm ma min?

U xejn ma jiġri wara

Li kieku m’hemmx il-ħin

Imdendel jibqa’ kollox

U l-kontra ta’ xulxin.

Alfred Grech

26/11/2016

Marsusin.

Marsusin fihom infushom

Oqbra mkaħħlla

Niċeċ battala.

Jekk isselmilhom jaħsbu ħażin.

Jekk tibqa’ għaddej tkun l-ikbar raġel,

M’hemmx kunfidenzi.

Għaliex il-barrikati jibnuhom huma

Kif imdorrija, bil-mod kif jaħsbu.

Il-fruntiera huma tagħhom

U jiena sal-lum għadni ma nafx

Ma nifhimhomx

Ma nagħrafhomx,

Ma naqdihomx

Jew ma nsibhomx.

Marsusin fihom infushom

Għalxejn tberrħilhom qalbek

F’dal-ħabs uman, f’dal gaġeġ inviżibbli

Immanifatturat

Mill-injoranza.

Dawm ħsibijiet li jgħaddu minn moħħi

Sa meta nasal ħdejk

Imbagħad jinbidel kollox.

Għax l-emozzjoni bħal poeżija

Iddum għal-ftit.

Magħluqin u marsusin fihom infushom

U m’hemm xejn li jistgħu jagħmlu

Għax midrubin u feruti.

Alfred Grech

25/11/2016

Int Tgħid.

Int tgħid li m’hawn xejn aktar,

M’hawn xejn, dil-ħajja biss.

Fejn kont int qabel sebaħ

U d-dawl ġie nkiss inkiss?

Int tgħid din illużżjoni

Għax kollox taru mar.

Fejn huma ta’ qabilna

Fil-baħħ xħin il-ħin sar.

Jien bħalek ngħid; xejn  aktar.

Kejjilna tul is-snin,

Il-kejl kien kollu tagħna

Bil-metri, magħdudin.

Bużżieqa li tintefaħ

U ma tinfaqa’ qatt.

Iż-żmien xi darba beda

Xi darba jrid jinħatt.

Jekk f’dal kalejdoskopju

Mużajk iddisnjat,

Jien żġiea ma li jmorru;

Id-dinja fejn spiċċat?

Int tgħid li m’hawn xejn aktar

Xħin tlaqt ma baqa’ xejn

Nispiċċa wkoll nistaqsi

Dan kollu kien għalfejn?

Alfred Grech

24/11/2016

Int Tgħid.

Int tgħid li m’hawn xejn aktar,

M’hawn xejn, dil-ħajja biss.

Fejn kont int qabel sebaħ

U d-dawl ġie nkiss inkiss?

Int tgħid din illużżjoni

Għax kollox taru mar.

Fejn huma ta’ qabilna

Fil-baħħ xħin il-ħin sar.

Jien bħalek ngħid; xejn  aktar.

Kejjilna tul is-snin,

Il-kejl kien kollu tagħna

Bil-metri, magħdudin.

Bużżieqa li tintefaħ

U ma tinfaqa’ qatt.

Iż-żmien xi darba beda

Xi darba jrid jinħatt.

Jekk f’dal kalejdoskopju

Mużajk iddisnjat,

Jien żġiea ma li jmorru;

Id-dinja fejn spiċċat?

Int tgħid li m’hawn xejn aktar

Xħin tlaqt ma baqa’ xejn

Nispiċċa wkoll nistaqsi

Dan kollu kien għalfejn?

Alfred Grech

24/11/2016

Diffiċli Tgħid.

Diffiċli tgħid xi jkun għaddej minn moħħi;

Waħdieni dal-baħħar li baqa l-art.

Fid-dlam ta’ lejl bla qamar sibtni nishar

Fuq dal-munġbell ta’ ħsibijeit u skart.

Diffiċli tgħid safejn għad trid teħodni,

Dit-triq li naf li twassal ħafna l-bogħod.

Kien anġlu ħelu, ried ikun ta’ gwida,

Kull meta fl-inċertezzi bdejt nirtogħod.

Diffiċli tgħid għaliex laqqani miegħek,

Dan id-destin; nistaqsi m’hemmx għalfejn!

Sirt int għalija l-isbaħ poeżija,

Li qiegħed ngħix mingħajr ma nħarbex xejn.

Diffiċli tgħid u għaliex daqshekk diffiċli,

Fis-skiet irid jispiċċa l-argument.

Diffiċli tgħid u għaliex daqshekk diffiċli,

Jekk qiegħeda miegħi naħtaf il-mument.

Alfred Grech

23/11/2016

Hemm Saħħa Li Trid Toħroġ.

Hemm saħħa li trid toħroġ,

Hemm qawwa ma tidhirx,

Messaġġ li jrid jitwassal

Hemm bżonn li ma jaħfirx.

Hemm id-li lanqas tidher,

Hemm nifs li ma tħossux,

Hemm żiffa friska tmelles

Bħal kwiet li ma tifhmux.

Hemm skiet daqs bajda mimli,

Hemm ħemda ta’ bil-lejl,

Hemm ħsejjes mank tismagħhom

Profondita’ bla kejl.

Hemm għana ta’ bla noti,

Hemm ritmi ma tħosshomx,

Hemm żifna li tiżfinha

U passi ma tafhomx.

Hemm leħen isejjaħlek,

Tiltaqa’ bla ma taf

Ma min ma kontx tistenna

Biex tmur b’idejk indaf.

Hemm dlam fejn tista’ tara,

Hemm dawl li ma jagħmix,

Miżien imdaqqas f’sikktu

U toqol ma jifnix.

Hemm qawwa li trid toħroġ,

Hemm saħħa ta’ bla qies,

Hemm seħer li jimlielek

Ir-ruħ, il-bogħod min-nies.

Hemm int li qed iġġebbed,

U ġġebbed mhux bil-ftit,

Sabiex f’dal baħħ jien negħereq,

Il-baħħ tal-infinit.

Alfred Grech

22/11/2016

Għalkemm Mimlija bl-Għomor.*

Għalkemm mimlija bl-għomor għadna nservu,

Għalkemm fi nżul ix-xemx u s-saħħa tbatti,

Hawnhekk qiegħedin għalkemm  m’għadniex li konna,

Kbira dil-qalb mal-ħalel tikkumbatti.

Għalkemm iż-żmien serqilna dak li tagħna

Għalkemm id-dawl t’għajnejna qed jitbaxxa

F’ħoġorna l-fdal tal-ħidma ta’ hajjitna

Għaliex mal-mewt mhux kollox se jisfaxxa.

Warajna nħallu l-wirt ta xbiha tagħna

Ir-rima ta’ vjaġġ twil bħal dawk li jbaħħru,

Il-mewġ li kien jisfida l-blat ikkalma

Inħarsu lura għax għandu biex niftaħru.

U rasna nbaxxu għal-ħemdas ta fl-għaXIJA

Għax nafu, dak li żrajna, frott bil-mija.

Alfred Grech

21/11/2016.

* Fgħeluq snin Missieri li għadu kemm għalaq 90 sena.

Lilhinn Mis-Sensazzjoni Hemm il-Baħħ.

Lilhinn mis-sensazzjoni hemm il-baħħ;

Il-baħħ li fih nintilef kull filghodu,

Kull xħin inqum; xħin tgħidli mintix ġejja,

U nibda nħoss sisien is-swar jirtgħodu.

Lilhinn mis-sensazzjoni hemm il-ġenn;

Il-ġenn ta’ xħin infittexek,bla ma nsibek;

Il-ġenn li lanqas biss ma jaf jistenna

Kull meta  nisma’ u nibda nġorr salibek.

Lilhinn mis-sensazzjoni hemm l-irdum;

L-irdum li fih nittarraf sa ma naqa’,

Hemm uragan tal-ewforija friska

Li ġġor mat-taħwid tiegħek kull ma baqa’.

Tgħannili bħas sireni xi daqqiet

Semaforu li jidħol ġewwa demmi;

X’jimporta li did-dinja ddur żugraga,

Jekk ġewwa fiha bejta tad-dilemmi.

Alfred Grech

21/11/2016

Hekk Hi l-Burdata.

Hekk hi l-burdata ta’ dal-jum imċajpar,

Bix-xita nieżla u dalma kullimkien,

Jekk tiġi tħabbatli jien niftaħlek,

Jekk ma tiġix għax tkun waqft ximkien.

Hekk hi l-butdata tiegħi ta’ din l-għodwa,

Bħas-sema mgħaddab, dlam, u swied il-qalb,

Minn dil-medjokrita’ li ssaltan togħola

Dir-ruh sas-sema wkoll mingħajr it-talb.

M’għandekx il-bieraħ, lanqas għandek l-għada,

Int sirt bħal waqt li lanqas għandu tmiem,

Iġġorni kull fejn tmur, tkaxkarni miegħek

Lilhinn mix-xefaq u lilhinn miż-żmien.

Alfred Grech

20/11/2016

Megħedija Nfittxu.

Megħedija nfittxu dak li hu għal dejjem

Ma nintebħux li huma dal-waqtiet

Bl-identita’ t’atturi ta’ bla għażla

Inkomplu biss il ġrajja li ġa bdiet..

Nintilfu fir-reċtar kull wieħed jinsa’

Li dan mhu xejn jekk mhux ħlief teatrin,

Intennu li naraw u li nisimgħu

Noħolqu diversiv biex jgħaddi l-ħin.

Filwaqt li qed ninsew tassew min aħna,

Ninfexxu f’dak li jista’ jkun jew mar,

Daqshekk ninsabu megħedijin f’dil ħajja

Li bqajna ma ntbaħniex li l-ħin kien sar.

Alfred Grech

19/11/2016

Waqtiet 2.

Bħas-sħab li jġorrhom l-ajru dal-waqtiet,

Li ngħaddi miegħek, nogħola mas-smewwiet.

Kultant insibni nogħola mal-imbatt

Bħal xmara ġġorni miegħek fuq ix-xatt.

Sa ninsa’ jien min jien u nemmen fik

U nħaddan l-aċean mingħajr taħbit.

Ninsa’, bħal min ingħati bl-amneżija

Waqtiet bħal kwiekeb jilmaw fil-għaxija

Jaħarbu, jistaħbew inkella jaqgħu

Bħal bżieżaq tas-sapun malajr jinfaqgħu.

Bħal melodija, tiġi bla tiġbid,

U tibqa’ biex tgħanniha bla ma trid,

Bħal ħsieb li jberren f’moħħi u kliem m’għandix,

U tgħidli wara ftit li ma tafnix.

Alfred Grech

18/11/2016

]

IX.

Kull min għalih ħa s-setgħa biex jiddetta

Ried l-ewwel jgħid il-qawwa mnejn hi ġejja,

Imbagħad ried joħroġ barra mill-kaxxetta,

Kuruna, salt xintilli u tant inkejja.

Kien aktar jinżel għasel dak ta’ dari,

Twemmin li jgħid: kull setgħa hi divina,

Illum inbidel f’dat-twemmin aħħari,

Minn-niex għan-nies, il-ħakma tkun ħanina.

Kull ħsara minn fejn tiġi trid tissewwa,

Min għandu, iżda, l-jedd għal dil-mogħdija

Ta’ ħaqq fuq bniedem bħalu, jgħaddi d-dnewwa;

Minn fejn il-jedd, tqum żgur il-mistoqsija.?

Il-bniedem għalkemm ħieles fit-trobbija,

Ir-rahan tal-wens isib fil-ġerarkija.

Alfred Grech

25/09/2011

Roundabouts.

F’kull salib it-toroq issib roundabout

Biex ma tmurx tibqa sejjer,

Hawn wisq minnhom f’dal-pajjiż.

Għaliex għandi ndur magħhom

Meta nista’ nghaddi dritt?

Kontra kull sens ta’ ġeometrija

Jew simetrija

Filosofija tanġenzjali, u hemm min ukoll iżid,

Morali.

Morali ta’ xhiex?

Tgħid għaliex infixkel lill-oħrajn

Li jimxu bil-mod wisq?

Għalhekk morali altruwista.

Kull ħaġa li ħlomt ma ssarfitx

Jew sarrfet ftit wisq.

Jekk bħali tisħet xogħolok,

Għadek xejn ma tgħallimt dawn is-snin kollha.

Għax għadek tgorr?

Ma xhiex se tibdlu?

Jekk narmi kollox

Naħraq l-abbozzi

Insorr kollox fi xkora,

Snin ta’ tama, ta’ dieqa, ta’ tmermir, is-snin li baqa’

U nsellem lil kullħadd,

Ħbieb konna.

L-oħrajn jistgħu jibqgħu jgħixu

Il-ħajja ta’ kuljum

Biex ma jweġġgħux ’l-ta’ madwarhom

Inkella għax m’għandomx ħila

Jew ma jafux mod ieħor.

Alfred Grech

02/01/2008

Sogni.

Perche’ cerchi tu le cose impossibili

E cerchi sempre quelle cose che averle non potrai,

Dentro di te c’e’ un grande fiume

Guardalo bene, e poi racconterai.

Perche’ cerchi sempre delle scuse

E poi mi vieni a chiedere il perche’,

Quando hai tutto l’oro del mondo

Ed io son qui davanti a te.

Alfred Grech

15/11/2016

X’Ikun Għalik Ifisser.

X’ikun għalik ifisser kull xħin ngħidlek

Li dak il-ħin inkun qed naħseb fik.

Bħal dell kull fejn immur insibek miegħi,

Bħal anġlu li wrajk jiġri bla jurik.

Hemm ħafna milli tgħidli li jbeżżgħani,

Hemm ħafna milli tgħid bla sens ta’ xejn,

Imbagħad xħin nerġa’ lura d-dar nistaqsi,

Dil-kobba mħabbla u dat taħwid għalfejn?

Hemm ħafna li ma nafx: mhux ser nistaqsi

Għax nibża’ li se nweġġa’ lili stess,

Kif jgħidu, l-għajn ma tara l-qalb le tuġgħa

U naf li flok ħaddieħor jien rifless.

Hemm ħafna affarijiet minn dak li tgħidli,

Aħjar moħbija jibqgħu ġewwa d-dlam.

Biex ngħixu kif jafuna n-nies tad-dinja

U qatt ma jsiru jafu x’fih id-dramm.

Hemm ħafna kliem li tgħidli u mank jinftiehem

U naħseb nibqa’ jien l-ossessjonat.

Kulltant nistħajjel li tkun int innifsek

Li tweġġa’ u tiġi b’ġismek mimli swat.

Alfred Grech

14/11/2016.

Tistaqsinix Għaliex.

Tistaqsinix għaliex ilsieni ma jdurlix

U l-kelma ma tiġix

Biex ngħidlek dak li nħoss għalik.

Tistaqsinix  għaliex kull darba li nkun ħdejk

Il- wisa’ ta’ madwari jdub

Jew lanqas ma jesgħani.

Tistaqsinix għaliex kull meta naħseb fik

Inħossni bħal nixxiegħa

T’ilma li qatt ma taqta’.

L-għala tkun tafu waħdek

Bħal meta f’nofs ta’ lejl tistembaħ

U tħoss ’l-min imissek

U ’l-ħadd ma tara.

Alfred Grech

16-06-2077

Alfred Grech

20 hrs

Il Nostro Amore.

Il nostro amore e’ destinato a perdersi
Nei veicoli strani dell’inquetudine.
Nei sotterranei di un mondo che crolla
E nella delta di un fiume pagano.

Il nostro amore e’ distinato a perdersi
Nell’oscurita’ di una notte incosciente,
Dove i barbaganni e gli uccelli rapaci
Vagano nel buio che cancella.

Il nostro amore e destinato a perdersi
Nei limiti e al di fuori di noi
Nella storia che ci raccontiamo
E sulle sbarre d’errori sinceri.

Il nostro amore e destinato a perdersi
Perche’ alla prossima sosta, tu non ci sei.

Il-nostro amore e destinato a perdersi
Nella ampiezza dell’ oscurita’
Nella grandezza del suo valore
E nella fuga della sua immensita’

Alfred Grech
11/11/16 2106

Ħadd ma Jimla’ l-Ħolm li Joħlom.

Ħadd ma jimla’ l-ħolm li joħlom

Ħadd ma jersaq, jiġi ħdejk,

U jekk titlob, xejn ma taqla’

U ma ġġorr xejn ġewwa jdejk.

Ħadd ma jwieġeb xħin issejjaħ

Lil min tħobb ma jroddlok xejn,

Tikteb ktieb u ħadd ma jaqra’

U dal ġiri, dan, għalfejn?

U quddiem l-allat t’olimpu

Għalxejn tinżel għarkubtejk,

Sakemm għad issib xi mara

Li taqragħlek taf idejk.

Dan l-infern ta’ din id-dinja,

Għax xħin titlob ma taqlax,

Mingħalik li tista’ timraħ,

Iżda taħrab ma tistax.

Alfred Grech

11/11/2016

Ħadd ma Jimla’ l-Ħolm li Joħlom.

Ħadd ma jimla’ l-ħolm li joħlom

Ħadd ma jersaq, jiġi ħdejk,

U jekk titlob, xejn ma taqla’

U ma ġġorr xejn ġewwa jdejk.

Ħadd ma jwieġeb xħin issejjaħ

Lil min tħobb ma jroddlok xejn,

Tikteb ktieb u ħadd ma jaqra’

U dal ġiri, dan, għalfejn?

U quddiem l-allat t’olimpu

Għalxejn tinżel għarkubtejk,

Sakemm għad issib xi mara

Li taqragħlek taf idejk.

Dan l-infern ta’ din id-dinja,

Għax xħin titlob ma taqlax,

Mingħalik li tista’ timraħ,

Iżda taħrab ma tistax.

Alfred Grech

11/11/2016

Min Se Jżommni F’Diż-Żurżieqa.

Min se jżommni f’diż-żurżieqa?

Min se jżommni ma niżloqx?

Tini jdejk ja ġmiel ta’ mara

Jista' kliemi wkoll ma idoqqx.

Min se jżommni f’dal vortiġ’ni?

Min se jżommni ma naqax,

Tini jdejk ja ġmiel ta’ mara,

Wkoll jekk saħħa ma baqax.

Qatt staqsejt biex tkun taf sewwa

Kif wasalt u ġejt hawnhekk,

Targa, tarġa’, pass war’ieħor

Għidli ftit, u x’ħadt b’daqshekk?

Inti f’ħadd ma tista’ twaħħal

U lil ħadd ma tista’ tlum,

Jekk sibt ruħħek f’din l-għadira

Iġri ara kif se tqum.

Kif sibt ruħħek ġo dil-basla

Dħalt ġo fiha bħal muntun

Ħadd ma ġiegħelek, ħadd m’ordnalek,

Żball tal-bieraħ bħal tal-lum.

Toqgħodx twaħħal f’dan u fl-ieħor

Toqgħodx tgħid kemm jien beżżul,

Ara x’tagħmel għamel wegħeda,

Għada rrid narak mibdul

Alfred Grech

10/11?2016

Jien Nerġa’ Nistenniek.

Jien nerġa’ nistenniek fit-tieni miġja

Xħin qalbi naqta’ li għad insib il-moħba

Deluż b’filmat li rajtu kemm il-darba

U bqajt ma xbajtx nistenna x-xema li tħenni.

Diskett ta’ tifkiriet li fasslu ħajjti,

Li jiġri b’mod invers sa nerġa’ lura

Fil-punt tat-tluq, hemmhekk fejn stajt kont qabel.

Int tista’ tkun is-salvazzjoni tiegħi

F’dal wied ta’ dmugħ quddiem dil-purċissjoni,

Fanal li juri t-triq fit-tentazzjoni

Bħal meta kont qed ħdejlk u kont nittawwal

Fil-ħbub t’għajnejk.

Alfred Grech.

09/11/2016

Il-bieraħ fuq xuftejja żifnet żifna.

Il-bieraħ fuq xuftejja żifnet żifna,

Tal-għanja li m’għannejtx; din l-għanja ġdida,

Hekk kif is-sema ħmar u sabet wisa’

Dis-saltna tal-uħux fid-dlam tal-lejla,

U tarf il-jum bil ftit il-ftit kien għereq

U ħaraq it-tamiet minn wara x-xefaq.

In terġa’ tfeġġ minn wara xi siparju,

Jew minn x’imkien minn fejn tkun għada tisreġ

Ix-xemx li għada ssaħħan dal-qlub fietla.

Għaliex għalkemm imbiegħeda mhux mitlufa

U taf jekk tħares lura int sirt statwa,

B’idek fuq il-moħriet, ma tafx fejn sejjra

U jista’ jkun ukoll li għad tinduna

Li ħriġt mir-radda ‘l-barra li bdejt biha.

Alfred Grech

03/07/2007 

It-Tnejn li Aħna Ridna dit-tferfira.

It-tnejn l’ aħna ridna nħossu dit-tferfira

Sabiex min-nagħas inqumu tar-rutina.

B-idejna t-tnejn ridieh f’idejna r-riedni

U nsibu nerġħhu l-għaġeb li hemm fina.

Int forsi tibza’ tilta’ dil-muntanja,

U tgħidli din it-telgħa tal-kalvarju.

Jien ngħidlek jista’ jkun, ’mma m’hemm xejn x’titlef

Kif sejjra tissaporti f’dal binarji?

Għax aħna t-tnejn irridu ħajja ġdida

’Il-barra mill-bużżieqa ta’ kliem fierah

Għax il-ġejjieni t-tnejn li aħna għaddejna minnu

U dak tal-lum igiddeb lil tal-bieraħ.

Alfred Grech

06/11/2016

Int Friska . . .

Int Friska daqs li kont xi kisba ġdida,

Fidila bħal ħamiema li ddur lura

U ġġieghelni ngħix waqtiet tas-seħer t’għada,

Tal-għada l’issa sar mank biss jimporta.

Hemm qablek biss id-dlam tal-istennija,

Taħbit il-qalb ta’ dak li jrid għad jiġi,

Int ċerta u taf xi trid: id-dinja bandla.

Fuq l-għolja tal-Ġurdan jien nitla’ ngħasses

Infittex xefaq ġdid biex nara nimxi,

Il-bogħod u ma narakx u nibqa’ nħobbok,

Fuq moħħi tkun bla biss ma tersaq lejja,

U leħnek jidwi l-għanja bħal ma jidwi

Ir-riħ li mal-għoljiet iħokk u jserrep

Li jbus ħaddejk u jerġa’ lura għal għandi

Biex jgħidli int fejn tkun; il-bxara t-tajba.

Jien hawn qed naħseb fik bħal meta qamar

Ikun qed jikkontempla lilu nnifsu

Fuq wiċċ il-baħar kalm: u l-ħin jistenna.

Alfred Grech

Waqt Qasir.

Bħal meta nqum filgħodu mbagħad nintenbaħ

Li ma kien xejn, inkella ħolma ħelwa

Inkella ma kien xejn kif kont qed taħseb,

Tintebaħ li qarraqt biss bik innifsek,

Li jkun qed jiġri biss li nibda’ naħseb

Li hemm int biss, m’hemm xejn u m’hemm ħadd aktar.

U le ma kienx għalxejn fejn int tellajtni,

Hemm fl-għoli fuq is-sħab fejn jirgħu l-anġli.

Il-waqt kien wisq qasir ‘mma xorta waħda

Ħassejtni ngħola ’l-fuq minn nies tad-dinja,

Għalkemm kien waqt qasir ma kienx hemm bħalu.

Alfred Grech

04/11/2016

Int Kont it-Tifkiriet.

Int kont it-tifkiriet li għadhom miegħi,

Is-sensazzjoni li qed ngħix farfett jittajjar,

Il-ħabi ta’ kull darba li sibt ruħi

Ma nafx xi ngħid, intemtem, imma imħajjar.

Int kont dik is-sorpriża mhix ta’ darba,

Kull meta fuq l-imħadda ras għajjiena,

Int kont is-sensazzjoni li ridt ninfed,

Li jien kont dejjem hawn, kont dejjem jiena.

Jien kont qed nisma’ leħen qalb l-irkejjen,

Bħal żiffa riħ li tonfoħ minn hemm barra.

Jien kont qed nisma’ d-diwi ta’ dik-għanja

Li jghanni l-kantawtur mingħajkr kitarra.

Jien kont is-skiet xħin taqa’ wkoll il-ħemda,

Xħin jiġi swied il-qalb fuq dak l-imsejken,

Il-krib ta’ min mill-ħajja kien imxebba,

Imm’inti tafni wkoll bħal tfajjel ċkejken.

Esploratur jiskopri l-kontinenti,

Gwardjana tħares dawn is-sentimenti.

Alfred Grech

092/11/2016

Quando Taci.

Quando taci

Non senti piu’ il rumore dei tuoi pensieri

Ma soltanbto il soffio di sgaurdi

Che ti hanno inacantato

Quelle del vento sulle tue labbra.

Quando taci

No trovi piu’ la scusa

Per sentire il dolore di un schiaffo

Il peso di una parola

Che speravi non everla sentito.

Quando taci

Puoi sentire la poesia

Che hai dentro il tuo cuore

Il discorso piu sottile di chi ti ama

E le canzoni degli uccelli

E quando taci

Tutto il resto e’ un dettaglio.

Alfred Grech

02/11/2016

Jien Ma Niddejjaq Xejn.

Jien ma niddejjaq xejn,

Jekk tgħidli nerġa’ lura,

Inħassar dak li ktibt

U koll  ‘kk ma kienx fih sura.

Jien ma niddejjaq xejn,

Inbiddel it-tastiera,

Biex aktar nidba nsib,

Il-vittmi fil-filliera.

Il-kitba fuq il-ħajt

Int forsi lanqas rajtha,

Imma għada ma jisbaħx

Għax xewqtek qatt ma qtajtha

U ma jkun ġara xejn,

Inkomplu fejn ħallejna,

It-tajjeb sar rigal

Li nħorru fuq idejna.

Alfred Grech
01/11//2016