Isma’ L-Ħsejjes.

Isma’ l-ħsejjes siekta li jiġu minn imkien

u agħti widen għal waqt wieħed

bla ma taħseb.

Hemm tweġibiet li huma ikbar mill-mistoqsiji tagħħom

li ħadd ma għandu l-ħila qatt jistaqsi.

Iftaħ idejk għall-kull ma jiġi

imbagħad tintebaħ li mqar min ried jagħmillek il-ħsara

ta’ min jitħassru

għax hu marid u inti mħux se tfejjqu.

Tista’ biss tfejjaq lilek innifsek

mill-marda li tittieħed.

Għanni l-għanja muta li ma tafx

imqar jekk int stunat

tintebaħ li sirt l-aqwa għannej

kompositur mill-kbar xħin tingħaqad

mal-ħsejjes ta’ madwarek, il-ħsejjes tal-ħolqien,

f’dan l-univers jissussulta, jivvibra u jgħanni.

Alfred Grech

08/06/2018