Dakinhar.

 

Dakinhar li d-dinja kienet iżgħar

Aħna konna anqas mgħobbijin

Bit-toqol ta’ dak kollu li kellna

Ngħaddu minnu.

 

Dakinhar meta kollox kien kien jinftiehem

U l-kbir kien għadu ġej

Konna ngħixu fl-istennija ta’ xi ħrafa

U kellna l-kurżita’ li jisbaħ l-għada.

 

Dakinhar kien aktar ħieles

Il-kliem li konna ntennu

U moħħna kien aktar ċar

Konna għadna nintonaw l-antifona

Tal-qaddisin

U nżommu t-temp mal-marċ

U l-bqija.

 

Dakinhar konna  naħsbu li hemm

Xi ħaġa lilhinn mix-xefaq

U konna nistennew is-siparju

Se jinfetsaħ

 

Dakinhar kien hemm sorpriża.

 

Alfred Grech

03/08/2020.