F’Ħoġrok.

Aħna li noqgħodu ngħoddu l-kwiekeb

u b’subgħajna mmissu l-qamar

ridna naħtfu mqarr ponn riħ mingħajr ma  ebda dazju

sakemm sellfuna l-ġwienaħ u stajna ntiru

Jien xtaqtek tara li kont nara jien,

imqarr minn ġo r-rewwieħa tat-torri tal-ivorju

fejn kont mistoħbi jekk mhux ikkastigat.

Int forsi ntbaħt ukoll li mqarr bla ġwienaħ

kont naf intir ’l-fuq mill-eqreb xifer

’l-fuq mill-konswetudni.

Ma kontx inlaħħaq żgur mal-isqra,

jew nilgħab  l-istess logħoba tal-gawwi f’maltempata,

iżda xorta stajt nittajjar u ntajjar lilek miegħi.

U jekk għad terġa’ toħlom u ssejjaħli,

jien għandi mnejn nispiċċa naqa’ f’ħoġrok

daqskieku għasfur mejjet.

Alfred Grech

20/09/2017