C.

Int tfarfar id-destin mill-fdal li jibqa’

Għax mhux b’din il-munita trid tħallasni.

Tiġini t-tentazzjoni u nerġa’ naqa’

Mat-togħoma t’għaraq mielaħ li darrasni.

Bis-sensi li jitolbu attenzjoni

Kull xħin għajnejja għalaqt inbidlet l-arja

U nbtaħt b’dir-ruh li għexet l-illużżjoni

Perkors li ta’ kuljum tarah ivarja.

Is-sensi moħbijin bħal isqra mġewwħa

Biżżejjed tkun mingħandek it-tbissima

Biex jiftħu par ġwenħajn mifruxa beraħ

Imkeffen f’ġisem mimli b’dit-tilqima.

Id-dubbju ta’ kuljum qed igerrimni

U jiena mingħalija l’int tifhimni.

Alfred Grech

16/09/2016