Imqarr Jekk Trid.

Imqar jekk trid ittir mingħajr il-ġwienaħ

Maħdumin mir-rix u x-xema’

Xorta waħda ssib li għad trid tinfed

l-infinit

ittir sa tarf id-dinja u tiġi lura

u tifhem li ma sibt xejn ġdid.

Imqar jekk tiġi lura fl-eleganza

Xintilla ntuwittiva tal-ħolqien

Issib it-trasgressjoni li kapaċi tħoll il-ġebel

U minni tagħmel l-aqwa lsir.

Imbagħad jekk għad xi darba tħoss xi ħaġa

Ikun nar li jiena sraqt

U ġibtu hawn fid-dinja biex minnu ngawdu

Inti u jien.

Imbagħad għad taħlef li xi darba

Rajntni miexi fuq ix-xfar.

U ma jimporta xejn kemm ilek tafni,

Jimporta biss sal-lum x’sirt taf.

Alfred Grech

24/12/2018