Taqax Fl-Iżball

Taqax fl-iżball li taħseb

Li dawk qiegħdin iħossu li tħoss inti,

xħin tperreċ il-ġmiel tiegħek fuq il-perċa diġitali

U taħseb li kulħadd għalik jixxennaq.

Imbagħad xi darb’ ejja u oqgħod għedli

Lil min it-tnejn li aħna bla ma nafu

Sfidajna,

U jekk xi ħaġa tibqa’,

 għidli biss jekk  jiena kont ir-riħ għalik

Minn liema naħħa kont qed njonfoħ

biex inqanqal il-kalma tiegħek apparenti.

Inti li tislet ix-xintilli minn qalb il-beraq

Bħal xabla li taqta’ b’ żewġt ixfar

Kull meta l-ħarsa tiegħek toqrob lejn is=sema

Fis-skiet ta’ kull filgħodu ta’ bla rqad,

Tifhem li l-paċi m’għandhiex leħen

U l-armonina ma tmissiex

Iżda tigref ir-ruħ fis-sakra u tmlieha b’wiegħdet ifewwġu

Bħal min iħobb u lanqas jaf li hu maħbub.

Alfred Grech

26/12/2018