Tiġdid.

Illum mhux it-tkomplija

Tal-bieraħ illi mar.

Illum jien bniedem ieħor

Ġdid ħiereġ mit-tajjar.

Naqilbu rridu l-folja,

U naqbdu argument

Li qatt ma smajna dwaru

U nkomplu mal-kurrent.

Mas-sħab li jiġri ġirja,

Max-xemx li ma ħarġitx,

Max-xita mhix fi żmienha

Għal darba ma felħitx.

Biex nitla’ kull skalluna,

Mill-ġdid mingħajr rimors,

Tal-għada qatt ma sebaħ,

Ta’ kif kien id-diskors.

U din tkun il-viżjoni

Tal-għana li m’għannejtx,

Mat-temp li qed iħawwad

Indur hekk, dawra mejt.

Alfred Grech

0/03/2017