Gladjaturi f’Nofs l-Arena

Gladjaturi f’nofs l-arena

ġellieda tal-waqtiet u ċ-ċirkustnzi

li jqegħduna fi kawdru mistħajjel.

Qiegħdin ngħixu ġo din l-art

l-art tal barrani

lanqas biss għadna ningħarfu

u triduna ngħannullkom

l-għanja tal-mulej?

F’daqqa waħda sibna ruħna

ġol-qalba ta’ jum ieħor

mimlija hwejjeġ mhux magħrufa

fir-rambaġġ tal-vetturi fid-duħħan

li jimla’ l-pulmuni, tal-bini dejjem tiela’

fejn ħadd m’għadu jimpurtaħ

jew kullħadd iħoss li għandu

iżda kollox jibqa’ għaddej.

Il-konkrit u l-ġebel tiela’

ir-rieħa tat-telqa’ u tal-mejtin

ġejja minn snin ’l-bogħod

u toqrob lejn dinja li titfarrak u ssir għabra

Ikolli niftaħ idejja u nħares ’l-fuq

u ngħajjat: Min inti, inti

li ġejt teqred din l-art verġni?

Alfred Grech

02/10/2019.