Ġejt Fittixni

Ġejt tfittixni

Imbagħad għamiltli ħajjti nfern

Ittella’biss ħitan u barrikati.

Imbagħad taqa’biċċiet

Mingħalik ser tisseduci lix-xitan

Iżda x-xitan hu wisq qadim.

Ikun aħjar nitbiegħed minnek

Xħin rajt wiċċek ħadt ir-ruħ

Jien nistagħad mingħajr ma naqbad

U jekk naqbda ikun żball.

Jien nintona bla ma ngħanni

Mhux li kont għasfur tal-għana

Ikkalzrat maqbud f’ xi gaġġa.

Insejtha llum it-triq li qbadna

Issa nagħmel ftit tal-għassa

Għax tmur torqod biex tistrieħ

Xħin għajnejk tassew tagħlaqhom.

Kif ma ntbaħtx li din biss logħoba

Issaħħart għas-sbieħ għajnejk?

Iżda mbagħad xħin bdejt titkellem

Int ħallejtni bejn ħaltejn.

Issaħħart għax kont imbiegħda

Xħin ġejt qribek jien għamejt

Jew kien hemm min ifixkilna

Bqajna nduru dawra mejt.

Xħin mar-ritmu bdejna niżfnu

Mewġ il baħar ogħla wisq

Għax kaxkarna fuqir-ramel

Tlifna l-boxxla, tlifna t-tnejn.

Kien baqa’ biss tifkira żgħira

Ta’ meta konna żgħar

U dik għamlet differenza.

Alfred Grech

29/01/2020.