Titjir.

Imbagħad inkomplu ntiru dit-titjira

Bla kulur u bla viżjoni

Misjuqa  minn ħjut twal li lanqas jidhru

Li fiha ma nafux  fejn sejrin naslu

Iżda xorta ntiru nibqgħu u nogħlew

Għaliex f’din it-titjira migratorja

Hemm il-wens tal-kontra

U għaliex it-tajr l-ieħor

illi magħna qed ipassi

għaddej ipnotizzat minn destin

skedat, kodifikat u pprogrammat .

Imbagħad inkomplu dit-titjira

Travolġenti għax ħaddieħor

 hekk kien jagħmel

biex itenni ta’ kull darba

dat-traġitt minn-naħħa għall-oħra.

Alfred Grech.

23/01/2020.