Carpe Diem.

Għaliex trid tgħix int fl-għada

Met’int qed tgħix illum,

Tibżax, għax għada jiġi

Malajr u mhux se jdum.

Għaliex tgħix fl-istennija,

Qed tgħix fl-oskurita’,

Għix issa u bla tintebaħ

Tkun tgħix l-eternita’.

Ukoll jekk għal jum wieħed

Fid-dlam tkun, mhux kuntent,

Mil wied tal-mewt trid tgħaddi

U tgħaddi wkoll bl-amment.

Ukoll jekk tħoss id-dwejjaq,

Ma tafx dawn minn fejn ġew,

Kun af li għada jiżbaħ

U jmirru minn fejn ġew.

Alfred Grech

09/12/2016