Hekk Ngħaddi Ż–Zmien ta’ Ħajjti.

Hekk ngħaddi ż-żmien ta’ ħajjti

Bħalma jgħaddi u jgħix kullħadd.

Jekk trid tfittex l-infinit

biżżejjed tgħalaq ftit għajnejk.

Minn xħin jisbaħ sa ma jidlam

dawra mejt mal- karussel,

min hu ġej u min hu sejjer

tajjeb biss minn jibqa’ hawn.

Hekk ngħadduha din il-ħajja

iggranfati ma xuxlin,

jgħaddu s-snin, jintesa’ kollox

jiftakruk jekk tħalli d-dejn.

Jiena nħobbok bħalma nħobb

kull ħaġa moħbija

fil-misteru ta’ bejn id-dlam u  bejn ir-ruħ.

Jien u int irridu nixxiebħu

ma kull kelma li ntennu

inkella tibqa’ tgerger mid-distanza

iżda l-ebda ġeometrija mhux se ttaffi l-assenza.

Alfred Grech,

19/05/2018