Inti Li Ta’ Kull Darba.

Inti li ta’ kull darba tistaqsini,

Int ma jonqsok xejn għajr it-tmellisa

Li tħalli l-marka tagħha għal dejjem.

Int taf sew li dak li lilna t-tnejn irid jgħaqadna

Ikollu s-sens ta’ telf u sens  tal-biża,

U dak li lilna t-tnejn iżommna minn xulxin imbiegħeda

Velenu  nixorbuh kull  filgħaxija

Sabiex ninsew li għada xorta jisbaħ.

Int sirt taf bħali

Li din il-logħoba tal-imħabba

Hija wiegħda li żżomm ħajja

Fuq il-ħjut li tħit il brimba,

Hi biss akrobazija aljenanti

Biex nagħmlu bħalma jagħmel qed ħaddieħor

Biex inżomm l-fjamma ħajja.

U jiena kont ekwilibrista sa mill-bidu

Li nogħoġob lil kull naħħa tal-udjenza

Int ridt li tkun fit-tarf tal-mina u hemm se tibqa’.

Irrid inżomm idejk waqt li qed naqdef

U ħafna drabi jkun in-nuqqas tiegħek

Li jġiegħelni nimla l-baħħ fl-abbissi ta’ ruħi.

Alfred Grech

31/05/2018