MWEJJEĠ AĦNA.

Ngħumu f’wiċċ k-ilma

mal-mewġ li jġorrna . . .

sa xfar ix-xefaq

biex ninsew mnejn tlaqna,

ninsew il-mewġ tal-bieraħ,

ninsew aħna min aħna.

Mwejjġiet aħna,

tqanqil ir-riħ li jnsessi,

taż-żiffa li tonfoħ mill-punent

u ġġib in-nixfa.

Sħaba ta’ weraq niexef

f’waqtiet ta’ ferħ u ta’ tbatija

nittajjru mal-għabra,

ninkinsu mill-buffuri,

ninbarrmu fl-uragani

t’għajru mħawad.

Alfred Grech

30/09/2018