Naħal.

X’nitilfu, xħin nitilfu

lin-naħal invażat,

ir-riħa tal-kull warda

taż-żghar ivvelenat?

Għax smajna mill-esperti

Bexxejna kullimkien,

u blajna l-pestiċiji

Ma baqa’ xejn kif kien.

Bħal massa li trid timraħ

f’ambjent ikkastigat,

u tgħix ġol-barumbari

maħnuqa, u kollox fgat.

X’nitilfu xħin bħan-naħal,

indakkru ma nistgħux

bil-bio-inġinerija

għax nemmnu u ma narawx?

Imbagħad tassew xħin jitlaq

in-naħal fejn hu l-frott,

sabiħ u naturali

u t-togħma li trid trodd?

Bil-bio-inġinerija

kull ġuf fertilizzat

u kollox diġitali

għax sar sintetizzat.

Alfred Grech

18/11/2018