XXVII.

Jekk lil-Mulej nagħmillu għandi talba,

Tkun dik li darba għad jista’ lili jfejjaw;

Bħal meta x-xita tieqaf wara ħalba,

Bis-sliem u l-ħemda Tiegħu lili jrejjaq.

Għalkemm ma jidher xejn, hi marda twila,

Ta’ taqlibiet, tbandil minn-naħħa għall-oħra;

Daqqiet ngħaddiha sbrixx, oħrajn bi tqila,

Imdejjaq, jew ferħan imqar xort’oħra.

Li kieku għada nqum, dal-ħotob kollha,

Li biċċa ħloqthom jien jew ġew weħidhom,

Jitilqu minn quddiemi, il-bogħod mill-folla,

Bi kwieti jien nixtarr bla ma nisħithom.

Imbagħad daqs tal-verdun tkun l-għanja tiegħi,

Il-bogħod immur intir u nieħdok miegħi.

Alfred Grech

30/11/2011