Assurd.

Mhux hekk inħossni jiena ta’ kull darba

li jisbaħ jum bla xemx u nkun bla sabar?

Għalhekk din il-pjaneta li ġejt fiha

issenslet bit-tifrik tal-pandemija,

għalhekk il vaganond ta’ mingħajr saqaf

bebbuxu li fuq dahru jġorr destinhu

isir ma jafda ‘l-ħadd: kulħadd ġo darhu

magħluq fit-tul minn wara t-tieqa jnemmes.

Minkejja l-ħabs tad-disorjentazzjoni

irridu xorta waħda fejn nitmattru

saqajna fl-art u barra l-friex noħorġu.

Is-sema mimli sħab u telqu l-kwiekeb

kull waħda minnhom saret kewkba feġġa.

Int tista’ tiġi ħdejja u nibnu tinda

u nistgħu aħna t-tnejn inkunu xhieda

ta’ dat-tiġdid, tat-trasfigurazzjoni.

Imqar jekk tħosspk ma tistax tiċaqlaq

ma tafx xi trid, jew lanqas taf fejn sejjra.

Kun af li ma kienx hemm ebda tifsila;

għad-diwi tiegħek l-univers iwieġeb

u bħali tista’ tħossok l’int falluta

u xorta trid li tibqa’ tagħti sehemek.

Alfred Grech

03/05/2020