Idħol.

Idħol fuq ponot subgajk

Fil-kurituri tad-dlam tiegħi

U jekk ma tidħolx sa l-aħħar ċella,

Jekk ma tidħollix taħt il-ġilda,

Tħabbat għalxejn biebi

Għax ma jkunx hemm biżżejjed sħana

Fil-fuklar biex iżommna t-tnejn

Ma xulxin.

Issa ntbaħt li ħlejt ħinek

Tiġri wara l-friefet alluċinanti

U ħuttaf ta’ ħwienħajħ ileqq

Biex tifhem li d-distanzi ta’ bejnietna

Ma jissejħux biss

żmien.

Alfred Grech

14/05/2020.