Seħer.

Inti li taħseb li ridt inkellmek

Xħin tiġi kull filgħodu tħabbat

Il-bibien tas-sabar tiegħi

U tiftaħ bil-muftieħ tal-illużżjoni

Il-maqdes ta’ tqanqil il-qalb

Bla biss tistaqsi għal ġieħ wiċċek

Fejn hu tassew it-taraġ

Li jwasslek ’l-fuq mis-sħab;

Inti  taħseb li fix-xejn ta’ dal-waqtiet

Xħin tiġi ħdejja hemm is-sagrifiċċju ġdid

Ta’ min inxtewa’ fuq gradilja

Sabiex inkunu nistgħu nagħllmu lill-ħaddieħor

Frott it-tbatija?

Jekk le, ħares ftit  fil-mera

U ara jekk hux qiegħda tara sewwa

Dak li nara qiegħed jiena

Ir-rifless tad-dwejjaq primordjali

Inkella ċpar li jdub ma tlugħ ix-xemx.

Alfred Grech

23/05/2020.