Fi Ġranet Bħal-Lum.

Fi ġranet bħal lum

Meta r-riħ isfel jaħbat ma ħaddejk

Bid-daqqiet ta ħarta tat-telqa tad-dwejjaq

U tal-ennui tal-ħajja

Fejn li tgħix huwa flaġell minn waqt għall-ieħor

Tiġi inti u tirbaħ il-ġlieda

Kontra l-amneżija u rqad fid-dawl tax-xemx

Bid-dehera ta’ surtek immakalata,

Li tinfed saħansitra s-swar.

Imqar illum infittxu sufra

Bħall- kelma li tista’ teħlisna mill-għarqa

U żżomna ngħumu bħal miżien

Fuq wiċċ l-ilma tal-konfini

Bejn dak li hu tassew

U dak li hu mistħajjel.

U jista’ wkoll li jagħti lewn

Lil ħolm li qed noħolmu.

Alfred Grech

02/05/2020.