Lil Chiara.

Għalina li ninħtieġu l-loppju

U d-droga tal-alluċinazzjoni

Mhux il-priedki minn fuq l-iskermi

Jew fl-awla ta xi maqdes imperjali.

Għalina l-ġwienaħ tal-friefet

Li jduru minn fuq warda għall-oħra

Inkella tal-għasafar tal-passa

Li qatt ma sabu bejta.

Għalina s-skiet u l-ħemda

Ta’ dinja ggranfata mal-biża’

Ta’ ruħ fin-nawfraġju

Tal-imxija.

Għalina li naraw kollox

Minn lenti oħra.

Alfred Grech

27/05/2020.