L-Għadu ta’ Bla Wiċċ.

Din kienet stedin’oħra mingħand l-allat

Ta’ fuq l-għolja u jiena li qatt

Ma ridt inkun fil-merħla tal-ikkundannati

U tal-korrotti qatt ma stajt negħreq ġewwa baħar

Tal-assurdita’ u bdejt ngħanni għanja ġdida

U ndoqq it-tnabar tiegħi mqar jekk kont stunat.

Ridt nislet mill-qamar kwinta fflaġellat

Jgħum  fid-deheb tad-dellijiet tad-dlam

Li qatt ma stajt ninsa’ jew dawk

Li tant kont xtaqt inħaddan f’tagħnniqa waħda.  

Dakinhar ridt inkun bħalhom

Jew nibni punt ġdid u ndewwi l-grieħi

Veri jew mistħajjla li jindraw.

Illum nistqarr dak kollu li jżommni milli nikber

Jew infieq u ma nħarisx il-bogħod biex noħroġ

Mit-trabokk jew nasba li ħejjewli. Lanqas jekk nibda

Ndur u nagħqad   daqs makna tal-ħasil

Għax naf li ħadd ma jrid iħarrek l-ilma qiegħed

U spiċċajt jien waħdi niġġieled il-pesta

l-għadu ta’ bla wiċċ.

Alfred Grech.

08/05/2020.