Baħar.

Il-baħar bir-rawgħa f’ħalqu

Daqqa għax irrabjat u daqqa għax xeba’

Jħabbat il-bibien li ma jinfetħu qatt.

Iżda kull mewġa li tiġi biex tgħannaq ix-xtajta

Tifrex is-swied il-qalb  tal-ħafna wegħdiet sajfija

U ljieli battala.

Bħalek il-mewġ li jiżfen

Iż-żifna tal-minuti u bħal tal-ġawwi

t-tnehid tiegħi li jġibni f’sikkti.

Jien sirt bħal ġebla ntruljata ċagħaqa

Biex tista’ twaddabni ħobża u sardina.

Hekk ninbidlu int u jiena

Mil-lum għal għada u ma nibqgħu qatt

Dak li konna ’l-bieraħ.

U jista’ jkun ukoll li llum mhux biss inbdilna

Iżda ġġeddidna nkella sirna

Fossili u ħadd ma jrid jaf bina.

Alfred Grech

11/05/2020.