106.

Int ja poeżija vera jew mistħajjla,

Tfesfisli ġo widnejja mbagħad titlaqni,

Xi minn daqqiet insir konfessur tiegħek,

Għidli jekk qattx iltqajt ma x’ieħor bħali?

Din mhix xi narrattiva li tifhimha,

Reċtar ta’ litanija bla sekwenza,

Xħin l-orizzont jitbiegħed aktar u aktar

Minn dak li ħsiebt, mis-sħab ta’ dawn l-inħawi,

Kull meta l-ħaġa ġdida ssir rutina.

Għidli, ja poeżija, jekk dan l-għana

Li qed ngħanni jien ux biss għalija

Għaliex jew ħadd mhu jagħti kasu nkella

Dak li jisimgħu għad irid jitwieled?

Għax il-profeta mhux magħrugff’pajjiżu.

Alfred Grech

10/01/2017