Hekk Hi l-Burdata.

Hekk hi l-burdata ta’ dal-jum imċajpar,

Bix-xita nieżla u dalma kullimkien,

Jekk tiġi tħabbatli jien niftaħlek,

Jekk ma tiġix għax tkun waqft ximkien.

Hekk hi l-butdata tiegħi ta’ din l-għodwa,

Bħas-sema mgħaddab, dlam, u swied il-qalb,

Minn dil-medjokrita’ li ssaltan togħola

Dir-ruh sas-sema wkoll mingħajr it-talb.

M’għandekx il-bieraħ, lanqas għandek l-għada,

Int sirt bħal waqt li lanqas għandu tmiem,

Iġġorni kull fejn tmur, tkaxkarni miegħek

Lilhinn mix-xefaq u lilhinn miż-żmien.

Alfred Grech

20/11/2016