Megħedija Nfittxu.

Megħedija nfittxu dak li hu għal dejjem

Ma nintebħux li huma dal-waqtiet

Bl-identita’ t’atturi ta’ bla għażla

Inkomplu biss il ġrajja li ġa bdiet..

Nintilfu fir-reċtar kull wieħed jinsa’

Li dan mhu xejn jekk mhux ħlief teatrin,

Intennu li naraw u li nisimgħu

Noħolqu diversiv biex jgħaddi l-ħin.

Filwaqt li qed ninsew tassew min aħna,

Ninfexxu f’dak li jista’ jkun jew mar,

Daqshekk ninsabu megħedijin f’dil ħajja

Li bqajna ma ntbaħniex li l-ħin kien sar.

Alfred Grech

19/11/2016