Iż-Żmien Kien Li Firidna.

Konna wegħedna lil xulxin li din għal dejjem

li ma kienx hemm ġejjieni ieħor

Waqt li konna nikkuntemplaw

ix-xema ħamrana   tegħreq wara x-xefaq

int bit-tazza tal-imbid li jirrifletti

ix-xemx għajjiena

u sidrek tiela’ u nieżel

man-nifs eżuberanti

u l-qalb tħabbat.

Għadda ż-żmien u int inbdilt

jien inbdilt

iż-żmien kien li biddilna.

Int kont kbejtni u jiena bkejtek

u t-tnejn li aħna għamilna f’qalbna

iżd’għadda ż-żmien u jiena nsejtek

u inti nsejtni

u xejn ma kien li baqa’

għax int titkellem b’ilsien ġdid

u jien ma bqajtx nifhem

u żmien bi żmien

ma kien għad fadal xejn

fuqhiex nitkellmu.

Iss’int il-bogħod u  jiena hawn

iż-żmien kien li firidna.

Imbagħad ġie l-baħħ

ġie l-ġenna tal-allat u

ġiet l-aljenazzjoni.

Mur erġa ġibu dak iż-żmien!

Alfred Grech

17/02/2010