Jekk Inti Tista’ Taqbad.

Jekk inti tista’ taqbad

Is-seħer ta’ dal-kliem;

Kull sillaba li taqbeż

U tiġri fuq quddiem.

Jekk inti tibda temmen

Fis-siwi ta’ kull waqt,

Tittajjar daqs ħamiema

U tilħaq dak li xtaqt.

Int tista’ tibda temmen

Daqskieku l-ilma ċar

Fl-uċuħ ta’ mingħajr maskri,

F’kull waqt li qatt ma sar.

U tneħħi l-barrikati

Imqar jekk tieqaf ftit,

Għalkem hemm min iżommok

Malajr jiġik l-aptit

Tkun dħat fis-saltna tiegħi

Ta’ dak li hu jew mhux

Tal-anġli qed jittajjru

Tal-kwiekeb u tax-xmux.

Alfred Grech

11/02/2020.