Jien Miegħek Nimxi Ridt.

Jien miegħek nimxi ridt sa fuq ix-xefaq

Fit-toroq imserrpin fejn qatt ma tasal,

Fejn inti tkun sirena fuq l-iskolji

Ixxejjer iżda taf li qatt ma nilħqek

Jew tghanni għana trux li ħadd ma jisma’.

Jien niġi ħdejk fis-seħer ta’ xi ħolma

Fuq kontinent imbiegħed jew mistħajjel,

U inti taf li did-distanza li tifridna

Tkun tarka għalik biex qat ma tiddeċiedi,

Għax taf li l-waqt kien tagħna u issa ħarab.

Alfred Grech

06/02/2020