133.

Kont għadni qatt m’għaddejt minn dawn l-inħawi,

U kelli l-kurżita’ nkun naf x’hemm moħbi.

Illum l’għaddejt minn hawn għal kemm il-darba,

M’għadnix ħerqan li ngħaddi għal darb’oħra.

Kull ħadd ifittex il-farfett li tilef,

Inkella jiġri wara għasfur li tarlu,

Jew bżieżaq jonfoħ li jinfaqgħu f’wiċċu,

Biex jimla’l- baħħ u x-xejn tal-ħofra tiegħu.

Jien niġri bqajt infittex xi qawsalla

Biex nerġa’ nqajjem dik is-sensazzjoni

Li tqanqal tifkiriet li jmorru lura

F’dawk l-isqaqien minn fejn xi darba ħriġna.

Biex nerġa’ nibda’ nifhem: Xejn ma nbidel,

Għax jekk ninbidel jien jinbidel kollox.

Alfred Grech

13/12/2017