Webbiltni U Ma Tiġix.

Imqarr jekk jibnu t-torri tal-ivorju

Wiċċek ma jinbidilx, għax nerġa' niġi

f'din l-art li tibqa' tħaddar b'tinġiż ieħor

Biex fiha nerġa’ nħoss dik l-istennija

Jew il-Milied ta' l dak li jrid jitfaċċa.

Hawnhekk indur indur sakemm madwarek

Inkella miegħek stess sirt bla konfini,

Pjaneta fl-oċean tas-solitudni.

Ninħaraq 'kk ma tiġix inkella 'kk tiġi

U jista’ jkun ukoll li hekk jaqbilli

Għax fl-aħħar nista’ nisma’ l-anġli jgħannu

Jew leħen is-skiet. Lanqas jekk is-siġra 

Tintrama' fost id-dwejjaq; jiswa' aktar

Iż-żmien ta' dak li jerġa' jrid għad jiġi..

Alfred Grech

19/12/2017