Diwi.

M’għadnix inżomm il-pass tar-ritmi tagħkom,

Ir-rima  tiegħi waqgħet f’konfużjoni.

Jiġu waqtiet li rrid f’qoxorti nidħol

Għax hemm insib mistrieħ fl-intuwizzjoni.

Ir-rima ta’ xi ħadd li jibqa’ mdendel

F’waqtiet ta qtugħ in-nifs fl-indifferenza,

Għax naf li ż-żmien mhux jien, iż-żmien qed jgħaġġel

Inkella jiena waqft fl-insuffiċjenza.

Iż-żmien jaqtagħli n-nifs, iż-mien qed jgħaġġel,

Jew jien, għax issa twalet id-distanza.

Jien wesa’ li ġġor magħha l-għana tagħha,

Mingħajr ebda strument, jien reżonanza.

Alfred Grech

03/12/2015