Naf Biss Li Nbidel Kollox.

Int tirrifletti fija

Jien nirrifletti fik

Xħin negħereq ġo dal baħar

U l-ħemda tagħmel bik.

Int tħares ġewwa l-mera

U għalhekk ma taranix,

Jien mhux ħlief nittawwallek

U int tgħid li ma tafnix.

Għax qatt ma tista’ tifred

Is-siġra mill-għeruq,

Tiġġieled mal-kurrenti

Li minnhom tkun misjuq.

Mad-daqq tat-trombi niżfnu

Ninġarru mal- kurrent,

Mitlufa ġoll-arena,

Jew nisħtu dal-mument.

Inti  ssejħilha mħabba,

Jien din ma nafx x’inhi

Naf biss li nbidel kollox

U l-ħajja hi dik li hi.

Alfred Grech

02/12/2017