6.

Li kieku int u jien hawn qatt ma ġejna,

Idejn xulxin f’xulxin, f’għajnejja tħares,

Tisraqx fis-skiet tweġiba li ħarrbitlek

Bħal kemm il-waħda qabel tistaqsini.

Li kieku tieqaf taħseb x’hemm x’jiġbidna

Bi spaga ma tidhirx kull xħin ninfirdu

Bħal kieku jien miniex jekk inti lanqas,

Imħabbla daqs il-kobba msejjħa mħabba.

Inħobbok kemm il-darba tħobbni lura,

Inħobbok lanqas biss ma naf il-għala,

Naf biss li xħin inħoss il-baħħ li tħalli

Bħal ħares jibqa jippersegwitani.

Li kieku qatt ma kont jien, lanqas inti,

Min kien ser jieħu ħsieb il-fjamma jixgħel?

Alfred Grech

17/11/2011.