XL

Is-sema u l-art u kull ma bih nistagħna,

Iħarsu lejja qisni kont nistenna.

Jekk nieqaf naħseb tieqaf miegħi l-għana

U lanqas li tagħllimt sal-lum ma ntenni.

Nixxiegħa kliem u għana tal-imħabba,

Imbagħad fi tmiem il-jum inħossni fieraħ,

Taħt sema li jikħal bis-sħab imtabba,

U llum ma niskantax bl-għemil tal-bieraħ.

Dak kien iż-żmien, kull żmien aktarx kien ieħor,

Iltqajna t-tnejn ma nafx fejn konna ltqajna,

Dak li fettxejna aktarx kien ta’ ħaddieħor,

U jekk sibnieħ, xi ħadd ħallieħ warajna.

Wasalt sa ħdejk infittex lil ħaddieħor,

Ma nafx minn fejn inqlajt; jien stajt kont ieħor.

Alfred Grech.

20/11/2011.