Imqar Jekk Sirt Furban.

Imqar jekk sirt furban tal-karibew

Inti tibqa’ troxx fuqi l-istilel tal-fidda,

U tonfoħ in nifs tiegħek, u xi minn daqqiet

Iddawwar rasek ħalli tara fejn jien qiegħed.

Imqar li kont kursar mingħajr liċenzja u bla bandiera

Inti terġa’ tiġi ma kull sejjħa tas-sirena.

Jien il-ħalliel li qatt ma seraq, qaddiz ta’ bla ndulġenzi.

Jien Robin Hood li jgħix Il-bogħod mil-wens tal-liġi.

Għalhekk toqgħodx turini mnejn  ħaddieħor għadda,

Inkella l-iskalluni tas-sellum biex nibqa’ tiela’.

Jien issa nibda naqra bil-maqlub

Kull kelma kull frażi  li tagħllimt, kull sillaba

Żnaturata u żmembrata

U nfittex nara jekk għandix iknkompli tiela’  ma dan il-ħajt tal-kenn

Biex ngħodd il-bieżaq li jinfaqgħu.

Alfred Grech

07/11/2017