Jekk It-Toroq Kollha Jwasslu.

Jekk it-toroq kollha jwasslu

sat-tarf nojjuż tal-abbandun

u x-xejn fl-indifferenza

kif tista’ tinsa t-tmiem?

Jien nerġa’ naqbad rottot ġodda

ghax lura ma nistax immur

u la tlumnix jekk issa lmaħtni

infittex dawk it-toroq

li inti tgħidli, ma jwasslu għal imkien.

Jekk biex l-imgħoddi ninsa

irrid bilfors nitilqek f’nofs it-triq

nistaqsi minn fejn tibda

dil-mixja ġdida?

Int tgħid li għad x’imkien inkun ferħan

jekk naf li hawn jien kont

u din it-triq terraqtha kemm il-darba,

Jien ma rrid xejn

Jien nibqa’ hawnhekk flimkien mal-issa tiegħi.

Alfred Grech

13/11/2017