Ma Ngħumx f’Dawn l-Ilmijiet.

Jiġini li nistaqsi:

X’ġejt nagħmel dakinhar

Nittawwal fuq ix-xifer?

Kont nilgħab qed man-nar!

X’ġejt nagħmel jien nissoġra

Imbiddel dak li naf,

Ferħan ma kontx bli għandi,

Għax nasal ridt sat-taf?

Bħal meta tifel ċkejken

Twissieħ u ma jridx jaf

Sakemm jinħaraq darba

Il-ġilda mbagħad tixraf.

Minn qabel naf il-logħoba,

U kont qed naħli l-ħin,

Li ser jidispjaċini

Tagħllimt matul is-snin.

Biex issa bl-esperjenza,

Mhux biss bit-twissijiet,

Sirt naf ma min hu bħalek

Ma ngħumx f’dawn l-ilmijiet.

Alfred Grech

02/11/2017