Kemm Konna Trasparenti.

Issa li l-qċaċet tal ħelsien tal-espressjoni

iddewbu fi sbieħ il jum ta’ xemx li tniggeż,

tneħħielhom it-tajjar tas-silġ u tas-satin dekorattiv,

nistgħu aktar nistħajjlu u nifhmu

ż-żonqor ippuntat tas-setgħa nuda.

Issa li l-balwardi tal-ħelsien neżżawhom għarwenin

mix-xintilli trasfiguranti li jgħammxu ’l-għajnejn

nifhmu aħjar għaliex l-imperatur kellhu jkun

kien u għadu mingħajr ħwejjeġ.

Issa nistgħu ninżlu għarkubtejnau naduraw

’l-alla falz ta’ stat li jwiegħed kollox

biex iżommna aljenati f’din il merħla ta’ nagħaġ ġwejjda

biex taħt l-iskuża tat-terrur,

tal-ħasil tal-flus u elf mitt skuż’oħra

għamilna lsira tiegħu.

Issa, issa li ntbaħna lkoll kemm konna aħjar

intbaħna wkoll kemm konna trasparenti.

Alfred Grech

02/11/2017