Dan Huwa Ż-Żmien

Dan huwa ż-żmien li qatt ma xtaqtu jasal,

Dan hu l-imkien fejn xtaq li qatt ma kont.

Dan huwa dak li jnissel ħsieb il-biża,

Fil-milja tiegħu ġabni bħal miġnun.

Dan hu t-twettieq ta’ dik il-profezija,

Ewlieni l-waqt xħin kont illuminat,

Iberren f’moħħi ’mma ħsibt ki qatt mna jasal

U qatt ma ħlomt li nkun għad f’dan l-istat.

Imbagħad ftit, ftit, irtsaqna lejn ix-xifer,

U xorta waħda bqajna m’emminniex.

Ħaddieħor daq it-telf u l-morr tal-milja,

U bqajna ngħixu dak li ma konniex.

Xħin tasal hawn tixtieq li tmiss ix-xefaq,

Jew tinża’ l-ġilda bħalma jagħmlu s-sriep;

Tmur tisparixxi wara kantuniera,

Iż-żmien bħal qtar li jinżel mill-miżiep.

Alfred Grech

06.07.2019