Aħjar.

Aħjar toħlom

milli tħabrek biex tbiddel

id-dinja ta’ madwarek.

Aħjar kastelli tibni fl-arja

milli titmattar biex tilħaq għad

is-sema

għax is-sema jibqa’ hemm ma jinbideilx,

iħares l-isfel

fuq purċissjoni nemel.

L-imħabba hija l-leħen li jistordik

jirbombja ġewwa fik u qatt ma jaqta’

int għandek biss titlgħallem

tissemmagħlu.

Tterraq kemm trid

il mogħodijiet tal-fehema t-tajba

iżda r-rieda għad m’għandekx

biex tasal għad x’imkien.

Jekk għad tissokta l-mixja ssib

li tħares qed fil-bogħod

lejn l-oċeani

lejn xtajtiet ta’ mewġ il-baħar.

Jista’ jkun ukoll li tagħżel li tgħix

bil-misteri kollha tiegħek

imbagħad ejja ħdejja

jien  nistenniek lilhinn mill-oċeani

taħt qamar kwinta.

Alfred Grech.

07.08.2019.