Mazz Tal-Fjuri.

Int tista’  tqis dal-versi mhuma xejn

Mhux ħaġa li trid tgħożżha

Dawn versi li ħierġin

Mill-bir tat-telf mis-sensi.

Int tista’ ma taħsibx li hemm tifsir

Għax huma trasparenti

Bħal qtar tan-nida fuq il-weraq

Ta’ filgħodu li jfur u jisparixxi

Fid-dawl tax-xemx.

Dawn huma versi li ħadu l-ħajja

U ġew ma nafx minn fejn

Intiżġu bla tifsil u ħadu l-għamla

Li qed tara.

Jekk tagħlaq ftit għajnejk issib

Li dawn mhumiex

Għajr mazz tal-fjuri.

Alfred Grech

02/08/2019.