Meta l-Allat.

U meta l-allat idejhom fetħu

infetħu bibien is-sema bil-ġid li beda nieżel

bħal manna fid-deżert tal-eżilju

u dawk li kellhom ħafna kompla jitkattrilhom

u dawk li kellhom ftit

imqar il ftit lil kellhom itteħdilhom.

U meta l-allat ma tawx każ aktar

ħassewhom sew imxaħxħa kif kienu

fl-oplulenza u fl-affluwenza

li f’daqqa waħada ġiet fuqhom

u għelbithom u aktar ma tawx każ

tagħna l-bnedmin ordinjarji

għax bdew jarawna nemel jew insetti oħra

li fuqhom setgħu jirfsu.

Iżda fl-aħħar u fl-għabex tal-allat

meta ma tawx aktar każ għax sikru

fis-swalu twal u wisgħin ta’ Asgard

inħarqetilhom il-Valhalla

u magħhom inħraqna aħna lkoll

in-nies ta’ rieda tajba ta’ din l-art ħelwa.

Alfred Grech

22.08.2019,