Igħidulek.

Igħidulek bil-ħsieb ħieles

U t-tarf ma tafx fejn hu

Li jkollok pjan ġo moħħok

U l-pjan ma tafx xhinu.

Jgħidulek li trid timxi

U timxi wkoll fit-tul,

Bla taf fejn għad trid tasal

U dejjem tkun mifxul.

Jgħidulek li trid taqdef

Inkella tibqa’ l-art

U tarġa wara l-oħra

U qatt ma tkun inġbart.

U lanqas taf fejn sejjer,

U lanqas taf mnejn ġej.

U dan il-ġiri kollu

U dan il-ġenn għalfej’?

Alfred Grech

13/08/2019