Hemm Drabti Jixorbulek Saħħtek

Hemm drabi jixorbulek saħħtek

u jħalluk stordut.

Meta ġejt ħdejk kont mgħarraq fid-dwejjaq

u mxabba’ minni nnifsi

Ħsibt li kelli namgħel bħal ħaddieħor

u nderri biex ninsa’ fil-mogħdija taż-żmien

fil-benniena tat-tnissija

biex nerġa’ nistenbaħ mill-ġdid

bit-tingiż tal-kuxxjenza

u l-baħħ fl-istonku.

Meta nżilt mill-muntanja

wiċċi kien maħruq

bħalkieku rħewli fuq spallejja

it-toqod li mmexxi nazzjon

imbagħad intbaħt mill-ġdid

li l-allat kien ghadhom bil-merfugħ.

Qed naħseb li l-lejl l-ieħor kien tas-seħer:

Int tagħmel is-seħer.

Alfred Grech

08/09/2019/