Ridna Naraw.

Ridna naraw x’jagħmilhom superjuri,

Ridna naraw x’jagħmilhom hekk kburin

Li jafu sew minn qabel x’għandhom jagħmlu,

Biex aħna ma nibqgħux il-barranin.

Ridna nidħlu wkoll fil-misteri tagħhom

Fis-swali awsteru, fis-swar għoljin;

Nitilgħu ridna t-telgħa tal-kalvarju,

Naqdfu fl-ilma tagħħom mis-snin sittin.

Ridna nibdew nitkellmu bl-ilsien tagħħom

Il-mod kif jaħsbu, sirna għajjurin

Għax mingħalina naslu nsiru bħalhom

U ma ntbaħniex li sirna giddibin.

U ma ntbaħniex li dħana lkoll fin-nassa,

Fil-logħob selvaġġ, il-logħob tat-tellifin,

Tlajnieħ it-taraġ, tarġa wara l-oħra:

Nilħlqu s-sema u nsiru lkoll kburin.

U ma ntbaħniex li dan kien biss il-bidu

Ta’  din id-distrazzjoni maqbudin,

U xħin intbaħna, tard kien għax issa

Iż-żmien kien għadda u jiemna magħdudin.

Alfred Grech

17/09/2019.