Hemm.

Qed timraħ fl-isqaqien ta’ moħħi

hemm fejn is-sirda ta’ lejla xitwija

titħallat mar-rieda li noħroġ minn qoxorti

bla ma tintebaħ li qiegħda titmattar sabiex issib l-ispazju

fejn tista’ tfewweġ bħal kewkba li tagħmel ftit dija.

Aħna għaddejna mill-isqaqien tal-ħajja

sabiex ninsġu it-tapezzerija olografika

mingħajr ma biss stajna naraw

id-dehera iktar wiesa’

il-kwadru sħiħ

u bla ma stajna naħfnu l-għanqbut

li kienu webbluna bih

u għalhekk issa jkollna ngħaddu mill-labirint

mingħajr ma nsibu l-minotawr.

Hemm fejn għad titbexxaq il-persjana

fejn għad tisma’ d-diwi ta’ leħnek jirtogħod

sibilla tal-iljieli minsija

fi ġrajja ta’ żmien li jitbiegħed,

Alfred Grech

02.09.2019.